రాజమండ్రిలో అంగరంగ వైభవంగా ‘మారుతి సుజుకి విక్టోరిస్’ ఆవిష్కరణ

*జ్యోతి ప్రజ్వలన చేసి సేల్స్ ప్రారంభించిన ఆంధ్రప్రదేశ్ ఆర్యవైశ్య వెల్ఫేర్ డెవలప్‌మెంట్ కార్పొరేషన్ డైరెక్టర్ కొత్త వెంకటేశ్వరరావు (కొండబాబు) **రాజమండ్రి జూన్ 24:* రాజమహేంద్రవరం నగరంలోని ప్రముఖ ఎస్పీ మోటార్స్ షోరూమ్ నందు బుధవారం మారుతి సుజుకి అరేనా విభాగం నుండి అత్యంత ప్రతిష్టాత్మకంగా విడుదలైన ‘విక్టోరిస్’ కారు ఆవిష్కరణ మహోత్సవం కన్నుల పండుగగా జరిగింది. ఎస్ బి మోటార్స్ అధినేత మట్టపల్లి రామ్ కుమార్ ఆధ్వర్యంలో వైభవంగా నిర్వహించారు.ఈ కార్యక్రమానికి ముఖ్య అతిథిగా విచ్చేసిన ఆంధ్రప్రదేశ్ రాష్ట్రఆర్యవైశ్య వెల్ఫేర్ డెవలప్‌మెంట్ కార్పొరేషన్ డైరెక్టర్ *కొత్త వెంకటేశ్వరరావు (కొండబాబు)* సంప్రదాయబద్ధంగా జ్యోతి ప్రజ్వలన చేసి, నూతన ‘విక్టోరిస్’ కారును ఆవిష్కరించి, అధికారికంగా సేల్స్ ప్రారంభించారు. ముందుగా ఆయనకు ఎస్బి మోటార్స్ జనరల్ మేనేజర్ మద్దుల శ్రీరామ్ గుప్తా ఘన స్వాగతం పలికారు.ఈ సందర్భంగా * కొత్త వెంకటేశ్వరరావు (కొండబాబు)* మాట్లాడుతూ, “విజయానికి ప్రతిరూపమైన ‘విక్టోరిస్’ పేరుకు తగ్గట్టుగానే ఈ కారు ప్రతి కుటుంబానికి విజయాన్ని అందించాలని ఆకాంక్షిస్తున్నాను. అత్యాధునిక సాంకేతికత, అద్భుతమైన డిజైన్, భద్రతా ప్రమాణాలతో రూపొందిన ఈ కారు మధ్యతరగతి కుటుంబాల కలల వాహనం కావడం ఖాయం. మారుతి సుజుకి అంటేనే నమ్మకానికి మారుపేరు. వినియోగదారుల అభిరుచికి అనుగుణంగా ఎప్పటికప్పుడు కొత్త మోడళ్లను అందిస్తున్న ఎస్పీ మోటార్స్ యాజమాన్యానికి నా హృదయపూర్వక అభినందనలు” అని అన్నారు. “రాజమండ్రి వంటి సాంస్కృతిక నగరంలో ఇటువంటి వినూత్న కారును లాంచ్ చేయడం ఎంతో సంతోషంగా ఉంది. ఈ ‘విక్టోరిస్’ గోదావరి తీరంలో కొత్త విజయ పతాకాన్ని ఎగురవేస్తుందని నమ్ముతున్నాను” అని కొనియాడారు. ప్రారంభం సందర్భంగా ఐదు కార్లు బుక్ చేసుకున్నారని వారు తెలియజేశారు.*కార్యక్రమ విశేషాలు:*- *ICOTY 2026 – ఇండియన్ కార్ ఆఫ్ ది ఇయర్* అవార్డు పొందిన ‘విక్టోరిస్’ కారును ఎస్పీ మోటార్స్ ఘనంగా ఆవిష్కరించింది.- ఆకర్షణీయమైన రెడ్ కలర్, స్పోర్టీ లుక్‌తో ఉన్న ఈ కారు చూపరులను విశేషంగా ఆకట్టుకుంది.- కార్యక్రమంలో ఎస్పీ మోటార్స్ అధినేతలు, సిబ్బంది, పలువురు ప్రముఖులు, వినియోగదారులు అధిక సంఖ్యలో పాల్గొన్నారు.- జ్యోతి ప్రజ్వలన, మొక్కల పంపిణీతో కార్యక్రమం శుభారంభ మైంది.*ఎస్పీ మోటార్స్ అధినేత మట్టపల్లి రామ్ కుమార్* మాట్లాడుతూ, “మా ఆహ్వానాన్ని మన్నించి వచ్చి కారును ఆవిష్కరించిన గౌరవనీయులు శ్రీ కొత్త వెంకటేశ్వరరావు (కొండబాబు) గారికి కృతజ్ఞతలు. వినియోగదారుల ఆదరణతో ‘విక్టోరిస్’ కారు తప్పకుండా రికార్డు స్థాయిలో అమ్ముడవుతుందని ఆశిస్తున్నాము. టెస్ట్ డ్రైవ్, బుకింగ్స్ నేటి నుండి మా షోరూమ్‌లో ప్రారంభం” అని తెలిపారు. ఈ కార్యక్రమంలో టి ఎస్ ఎం సేనాపతి ప్రదీప్, ఇంద్రనీల్ చటర్జీ సేల్స్ మేనేజర్, తదితరులు పాల్గొన్నారు.