తాడి బ్లెస్ అనీంద్య*రాష్ట్ర స్థాయిలో *395వ ర్యాంక్

ఉత్తమ ప్రతిభ కనబరిచిన తాడి బ్లెస్ అనీంద్య కు ఘన సత్కారం ఆశీస్సులు అందించిన ఎమ్మెల్యే జ్యోతుల నెహ్రూ

కాకినాడ జిల్లా జగ్గంపేట జూలై 2 : అక్షర ఆయుధం ప్రతినిధిగురువారం రావులమ్మ నగర్‌లోని క్యాంప్ కార్యాలయంలో ఎమ్మెల్యే జ్యోతుల నెహ్రూను తాడి బ్లెస్ అనీంద్య మర్యాదపూర్వకంగా కలిశారు.ఉజ్వల విజయంగండేపల్లి మండలం నీలాద్రిరావుపేట గ్రామానికి చెందిన అనీంద్య ఏపీ ఈఏపీసెట్ పరీక్షలో రాష్ట్ర స్థాయిలో 395వ ర్యాంక్ సాధించి విశేష ప్రతిభ కనబరిచారు. తండ్రి తాడి బుల్లిరాజు ప్రైవేట్ విద్యాసంస్థలో అధ్యాపకులుగా, తల్లి మండల పరిషత్ ప్రాథమిక పాఠశాలలో ఉపాధ్యాయురాలిగా సేవలందిస్తున్నారు. విద్యా నేపథ్యం ఉన్న కుటుంబం నుంచి వచ్చిన అనీంద్య ఈ ఘనత సాధించడం హర్షణీయం.ఈ సందర్భంగా ఎమ్మెల్యే జ్యోతుల నెహ్రూ అనీంద్యను అభినందిస్తూ "395వ ర్యాంక్ సాధించడం నీ కృషికి, పట్టుదలకు నిదర్శనం. వైద్య విద్యను అభ్యసించి ఉత్తమ వైద్యురాలిగా ఎదిగి, సమాజానికి సేవ చేయాలి. నీ విజయం గ్రామీణ ప్రాంత విద్యార్థులకు స్ఫూర్తిదాయకం" అని ఆశీర్వదించారు.ఆదర్శప్రాయమైన కృషినిరంతర సాధన, తల్లిదండ్రుల ప్రోత్సాహంతో అనీంద్య సాధించిన ఈ విజయం నీలాద్రిరావుపేట గ్రామానికే వన్నె తెచ్చింది. ప్రతిభకు ఆర్థిక పరిస్థితులు అవరోధం కాబోవని ఈ విద్యార్థిని నిరూపించారు.వైద్య రంగంలో రాణించి ప్రజాసేవకు అంకితం కావాలని, అనీంద్య భవిష్యత్తు మరింత ఉజ్వలంగా ఉండాలని ఆకాంక్షిస్తున్నాము అని ఎమ్మెల్యే అన్నారు.ఈ కార్యక్రమంలో మార్కెట్ కమిటీ చైర్మన్ అడపా భరత్ బాబు, మార్కెట్ కమిటీ డైరెక్టర్ బో దిరెడ్డి సుబ్బారావు, తాడి సాత్విక్ వర్ధన్,కన్నా, గన్మెన్ శ్రీనివాస్, తదితరులు పాల్గొన్నారు.