మామిడాడలో ఏరువాక పౌర్ణమి వేడుకకు హాజరైన కలెక్టర్ హరేంద్ర ప్రసాద్

రైతు సంక్షేమమే కూటమి ప్రభుత్వ ధ్యేయం - ఎమ్మెల్యే జ్యోతుల నెహ్రూ

కాకినాడ జిల్లా జగ్గంపేట జూన్ 29: అక్షర ఆయుధం ప్రతినిధి జగ్గంపేట మండలం మామిడాడ గ్రామంలో ఆత్మ కమిటీ ఆధ్వర్యంలో జిల్లాస్థాయి ఏరువాక పౌర్ణమి కార్యక్రమం జరిగింది. ఎమ్మెల్యే జ్యోతుల నెహ్రూ అధ్యక్షత వహించగా, జిల్లా కలెక్టర్ హరీంద్ర ప్రసాద్ ముఖ్య అతిథిగా హాజరయ్యారు.ప్రారంభం: అతిథులు ఎద్దుల నాగళ్లతో పొలం దున్ని ఏరువాక పౌర్ణమి సంప్రదాయాన్ని ప్రారంభించారు. తర్వాత రైతులతో ముఖాముఖి కార్యక్రమం నిర్వహించడం జరిగింది.ప్రకటించిన కీలక అంశాలు:పంట మార్పిడి: ఎల్ నినో ప్రభావం దృష్ట్యా రైతులు స్వల్పకాలిక వరి వంగడాలు సాగు చేసి, పంట మార్పిడి ద్వారా అధిక ఆదాయం పొందాలని సూచించారు.ఎరువుల పంపిణీ: పారదర్శకత కోసం జాతీయ ఎరువుల సరఫరా యాప్ ద్వారా నేరుగా రైతులకు ఎరువులు అందిస్తున్నామని, దళారుల ప్రమేయం లేకుండా సకాలంలో ఎరువులు అందుతున్నాయని తెలిపారు.పాడి రైతులకు సహాయం: పాడి రైతులకు సబ్సిడీపై పాడిపశువులు అందజేస్తామని, పాడి అభివృద్ధికి ప్రభుత్వం కట్టుబడి ఉందని ప్రకటించారు.ఉద్యాన రక్షణ: ఉద్యాన రైతుల పంటలను వన్యప్రాణుల నుండి కాపాడేందుకు త్వరలో సౌర విద్యుత్ కంచె సౌకర్యం కల్పిస్తామని హామీ ఇచ్చారు.అన్నదాత సుఖీభవ: కూటమి ప్రభుత్వం ఎరువులు, పురుగు మందులు, సాగునీరు, అన్నదాత సుఖీభవ పథకం ద్వారా రైతులకు అండగా నిలుస్తుందని ఎమ్మెల్యే తెలిపారు.ఇ-పాస్ యంత్రాల పంపిణీ: జిల్లాలో ఉన్న 175 రైతు సేవా కేంద్రాల్లో వినియోగించేందుకు ఇ-పాస్ యంత్రాలను కలెక్టర్, ఎమ్మెల్యే పంపిణీ చేశారు.రైతుల స్పందన:ముఖ్యమంత్రి చంద్రబాబు హయాంలోనే వ్యవసాయం పండుగలా మారిందని, ఉప ముఖ్యమంత్రి పవన్ కళ్యాణ్ రైతుల కష్టాలు తెలిసిన నాయకుడని రైతులు సంతోషం వ్యక్తం చేశారు. కూటమి ప్రభుత్వం వచ్చాక భరోసా వచ్చిందని, అన్నదాత సుఖీభవతో కుటుంబాలు నిలబడ్డాయని చెప్పారు.ఈ కార్యక్రమంలో సంయుక్త సంచాలకులు ఎన్ విజయ్ కుమార్, ప్రాజెక్టు సంచాలకులు ఆత్మ బాబూరావు, ఉప సంచాలకులు జిల్లా వనరుల కేంద్రం ఎలియాజరు, ఆత్మ కమిటీ అధ్యక్షులు పైడిపాల సూరిబాబు, జగ్గంపేట సహాయ సంచాలకులు జి శ్రీనివాస్, మండల రెవెన్యూ అధికారి, మండల అభివృద్ధి అధికారి, ప్రాథమిక వ్యవసాయ సహకార సంఘం అధ్యక్షులు, మండల ప్రాదేశిక నియోజకవర్గ సభ్యులు, మండల గ్రామ నాయకులు, పెద్ద సంఖ్యలో రైతులు పాల్గొన్నారు.